Журналист, тамада Чулпан Гарипованы социаль челтәрләрдә бройлер тавыклар, үрдәкләр үстерүче буларак беләләр. Ул аларга химиясез ризык ашатуы, аларның үсеш чоры белән уртаклаша.
Бу юлы ул «мулард үрдәкләре сугыша, канга батып бетә» диючеләр өчен видео яздырган.
«Тавыкны йолкыгач, мамыкларын ташламыйм. Видеода күренгәнчә, мулардлар мамыкны таптый-таптый ашый. Тавык канатларын да җыеп барам. Үрдәкләр витамин җитмәгәнгә бер-берсен талый башлый, менә алар сары төстән ак төскә керә башлады, витамин кирәк. Азыкларына күкерт салсаң да була, әмма артыкка китсә ул файдага түгел. Ә мамык куркыныч түгел», – дип сөйли ул.
