Бөек Новгород шәһәрендә 4 кеше су коенганда батып үлгән. Берсенең мәетен тапканнар, калганнарын әлегә эзлиләр, дип хәбәр итә «112» Телеграм-каналы.
Фаҗига Волхов елгасы аша салынган җәяүлеләр күпере тирәсендә була. Һиндстаннан килгән 5 егет елгада су коенырга уйлый, әмма аларның берсен агым алып китә.
Дуслары аны коткарырга ташлана, тик бишесе дә су төбенә китә. 5 егетнең бары тик берсе генә ярга чыга алган.
Аны хастаханәгә алып киткәннәр. Өлкә прокуратурасы тикшерү уздыра.