Covid-19 авыруының ялган симптомнары
Коронавирус инфекциясенең кайбер билгеләре ОРВИ кебек үк булырга да мөмкин.
Кешеләр коронавирус дип уйлап ялгыша торган кайсыбер симптомнар ачыкланды. ОРВИның теләсә кайсы билгесен коронавирус дип уйлап ялгышып була. Бу турыда Sputnik радиосы табиб-инфекционист Сергей Вознесенскийга сылтама белән хәбәр итте.
Табиб аңлатканча, ОРВИ, шул исәптән коронавирус вакытында да, сулыш алу системасының билгеле бер бүлегенә зыян килә. Коронавирус инфекциясе вакытында, кагыйдә буларак, борын куышлыгы һәм үпкәләргә зыян килә. «Шулай да бугазга, трахеяга зыян килгәндә тамак авырту, тамак кыру, йөткерү дә очрый», — ди белгеч.
Сулыш алу системасының кайсыдыр бер бүлегенә зыян килү — бөтен ОРВИга хас булган ике билгенең берсе. Икенчесе — интоксикация. Ул баш авырту, тән сызлау, температура арту белән беленә.
Ләкин бу билгеләр теләсә кайсы башка инфекция вакытында да булырга мөмкин. Шуңа күрә Covid-19 вакытында билгеләр аерылмый диярлек. Диагноз кую өчен лаборатория тикшеренүе кирәк.
Шулай ук артык борчылуны — сау-сәламәт кешеләр авыру симптомнарын кичергән кебек булу халәтен дә ялган коронавирус билгесе дип карарга була, диелә РИА Новости хәбәрендә.