Грекча кабак рецепты | intertat.tatar

Грекча кабак рецепты

Бик җиңел әзерләнә торган ризык.

«Әгерҗе хәбәрләре» газетасыннан грекча кабак пешерү рецептын тәкъдим итәбез.

Ингредиентлар: 400 г кабак, 1 тырнак сарымсак, 1 чәй кашыгы томат пастасы, 1 чәй кашыгы кипкән базилик, 1 аш кашыгы зәйтүн мае, 2 аш кашыгы су, тәменчә тоз һәм борыч.

Кабакның кабыгын чистартабыз да шакмаклап турыйбыз. Зәйтүн мае салып, табада 5-7 минут кыздырабыз. Тоз, борыч һәм базиликны өстибез дә бераз кызыдырып алабыз. Томат пастасын, изелгән сарымсакны кушып, бераз су өстибез.

Өстенә фольга каплап, 180 градуска кадәр җылытылган духовкада 25-30 минут пешерәбез. Әзер булгач, ит яки балык кәтлите белән табынга бирәбез.