Исмегөл ападан бәрәңгеле-балыклы кәтлит

Исмегөл апаның инстаграмдагы сәхифәсеннән бәрәңге белән балыктан кәтлит рецептын тәкъдим итәбез.
Ингредиентлар: балык, бәрәңге боламыгы, суган, петрушка, яшел суган, сарымсак, 2 йомырка, тоз

Тоз салып, балыкны пешереп, сөягеннән араларга. Суда бәрәңгене пешерергә, суын саркытырга.
Пешкән балыкны шунда салып, бергә төяргә, шуңа сыер маенда кыздырып алган суганны, петрушка, яшел суган, сарымсак кыягын, 2 йомырка салып болгатырга.

Соус өчен: майонез, каймак, сарымсак, 2 йомырка,тоз, борыч, яшел үләннәр.
  
Майонез, каймак, сарымсак, йомырка, яшел суган, тоз, борыч салып болгатырга. 

Бәрәңгедән кәтлитләр ясарга һәм әзер кәтлитләрне соуска манып, май салынган табада ике ягын сүрән утта кыздырып алырга. 

Кәтлитләрне тозлы кыяр, помидор кебек төрле яшелчәләр белән ашарга мөмкин.