Помидор тозлау(рецепт)

Тукай районының "Якты юл" газетасыннан салкын суда помидор тозлау рецептын тәкъдим итәбез. Ә Чаллыдан Гүзәл Шаһигәрәева помидорны кишер яфрагы белән тозларга киңәш итә. Шул хәтле тәмле, банкалар атмыйлар да, яхшы торалар, ди әнисе рецептын тәкъдим итеп.
1. 1 кг помидор, 30 г укроп, 2 чия, 2 карлыган, 3 лавр яфрагы, 1,5 литр су, 1 аш кашыгы тулыр-тулмас коры гәрчич, 2,5 аш кашыгы шикәр комы, 6-7 түгәрәк кара борыч, 1,5 аш кашыгы тоз.

Артык өлгермәгән помидорлар алабыз, юабыз һәм коры банкага тутырабыз. Помидорлар белән аралаштырып, яфраклар салабыз.

Помидорның өстен тишеп, сарымсак куярга да мөмкин. Суга тоз, шикәр комы, борыч салып, кайнатып чыгарабыз, аннары гәрчичне салып эретәбез. Су суынып беткәч кенә банкадагы помидор өстенә коябыз. Капрон капкач белән каплыйбыз һәм 1 көн салкынча урында тотабыз. Аннары суыткычка яки базга куярга кирәк.

Өстенә кайнар су коймагач, файдалы матдәләр күбрәк саклана.

2. 3 л.банкага - 12 кишер яфрагы, 1 тырнак сарымсак, 1 лавр яфрагы. Банкага помидорларны тишкәләп, тыгызлап тутырырга, 15 мин. остенә кайнар су салып тотасы. Аннары шул суны бушатып, икенче савытка 7 аш калагы шикэр комы. 1 аш калагы тоз салырга.
Су кайнап чыгар алдыннан, 2 аш калагы 9% уксуc салып, кайнатып чыгарырга. Шул рассол белән банкаларны тутырырга да, ябып куярга.