Ләйсән Үтәшеваның әбисеннән мантый рецепты

Нәфис гимнастика буенча спорт мастеры әбисе Зөбәрҗәтнең рецепты буенча мантый ясаганын видеога төшергән.

Камыр өчен: су, йомырка, бераз тоз, он.

Эчлек өчен: сарык ите, суган, бәрәңге.

Сарык итен һәм суганны вак итеп турарга. Бәрәңгене шакмаклап турарга. Яхшылап болгатырга.

Камырны җәеп, манты ясарга. 45 минут пешерергә. Аннары зур тәлинкәгә тезәргә һәм атланмай белән майларга.

«Нәкъ менә пычак белән ваклап туралган иттән мантый тәмлерәк була», — ди Россия спортчысының әбисе Зөбәрҗәт ханым.