Барлык язмалар news_header_top_970_100
news_header_bot_970_100
Язманы тыңлагыз

Өйдә тозланган скумбрия балыгы

Базардан туңдырылган чи балыкның зуррагын алыгыз.

news_top_970_100
Өйдә тозланган скумбрия балыгы

Туңдырылган ике скумбрия түшкәсе алыгыз. Башлы балык алырга кирәк. Ул эри торган арада, тозлык кайнатыгыз.

Тозлык өчен 1 литр суга 3 аш кашыгы тоз, 1,5 аш кашыгы шикәр комы салыгыз. Шунда ук 3 лавр яфрагы (анысын да базардан бәйләм итеп алу хәерле), 4-5 борчак исле борыч, 4-5 борчак кара борыч, 3 канәфер орлыгы өстәгез. Су кайнап чыксын. Аннары 5 минут сүрән утта тотыгыз һәм суынырга алып куегыз.

Эри башлаган балыкның башын, койрыгын, канатларын кисеп ташлагыз. Түшкәне 3-4 см киңлектәге кисәкләргә кисегез. Аннары кисәкләрен эченнән балыкның эчке әйберләрен алып ташлагыз. Юкса алар тәмсез тәм бирер. Балык кисәкләрен 1 литр чамасы сыеклык сыярлык савытка тутырыгыз. Савытның капкачы тыгыз итеп ябыла торган булсын.

Тозлык бүлмә температурасына кадәр суынсын. Аннары сыеклыкны балык өстенә салыгыз.

Тозлыкка салынган балыкны 5-6 сәгать бүлмә температурасында тотып торыгыз да суыткычка алып куегыз. 10 сәгатьтән соң, балыкны тәмләп карарга да була. Лавр яфракларын алып ташлагыз, әче тәм кермәсен.

Әзер балыкны суыткычта сакларга кирәк.

Комментарийлар (0)
Калган символлар:
news_right_column_1_240_400
news_right_column_2_240_400
news_right_column_3_240_400
news_bot_970_100