Җырчы Ландыштан "Паштет" пирогы

Җырчы Ландыш Нигъмәтҗановадан "Паштет" пирогы рецептын тәкъдим итәбез.
Камыр өчен: 50 г кайнаган су, 1 йомырка, 100 г шикәр комы, 20 г коры чүпрә.

Бөтенесен әйбәтләп болгатырга, шикәрләре калмасын(миксер белән мөмкин). Соңыннан, шунда ук 1 кап атланмай, 350 г он салабыз:

Камыр тиз басыла, кулга ябышмый, ләкин камыр майлы була, шулай булырга тиеш... Эченә төрле эчлек салып була.

Бу очракта җырчы эчлекне күрәгәдән ясаган.

300-400 г күрәгә җимешен иттарткыч яки блендер аша үткәрергә, 100 г шикәр комы (җимеш әчерәк булса 200 г) һәм 50 г су салып, газда 10 минут пешереп алырга.

Аннары камырны җәяргә, майланган табага салырга, камыр табаның яртысына кадәр генә булырга тиеш. Эчлекне салырга һәм өстен теләгәнчә бизи аласыз.