Исмегөл ападан «Гөлфия» торты рецепты

Саба районы Иләбәр авылында яшәүче Исмегөл ападан тәмле торт рецептын тәкъдим итәбез.

Крем өчен: 500 грамм кибет каймагы (1 аш кашыгын алып калырга), 2 стакан шикәр комы, 50 грамм чамасы атланмай.

Каймакны сүрән утка куярга, шикәр комы эреп беткәнче болгатып торырга. Кремны суытырга һәм атланмай салып болгатырга.

Камыр өчен: 2 йомырка, 1 стакан тулыр-тулмас шикәр комы, 1 чәй калагы сода, аш серкәсе, 1 аш кашыгы каймак, 1,75 стакан он, кремның яртысы.

Аш серкәсе белән сүндерелгән содага 1 аш кашыгы каймак һәм кремның яртысын салып болгатырга. 1,75 стакан он салып камыр ясарга. Камыр коймак камырыннан куерак булырга тиеш.

Камырны өч табага бүлеп духовкада пешерергә һәм әзер кремны ягып, торт коржларын өеп менәргә. Өстенә торт кырыеннан калган камырны ваклап сибәргә яки шоколад уарга мөмкин.