Кефирдан кайнатылган корт

"Татар ашлары" социаль челтәрдәге төркемнән кефирдан корт рецептын тәкъдим итәбез.
Кортны калын төпле савытта яки табада кайнаталар.

Кефирны савытка салып, көчле ут өстенә куялар. Суы кайнап беткәч, утны киметәләр һәм, саргылт төскә кергәнче, болгата-болгата кайнаталар, савыт төбендә корт утырып кала.

Әзер кортны гөбәдия эченә салалар, май һәм бал белән ашыйлар. Кортны гөбәдия өчен әзерләгәндә каймак яки атланмай (сары май), шикәр өстәп утка куялар һәм яхшылап болгаталар.

Бер гөбәдия өчен корт кайнатканда, ярты литр кефир кирәк.