Айсылу Лероннан печенье рецепты

Телетапшырулар алып баручы, өч бала әнисе Айсылу Лероннан печенье рецептын тәкъдим итәбез.
Камыр өчен: 2 стакан он, 1 йомырка, 0,5 стакан шикәр комы, 150 г атланмай, 0,5 чәй калагы сода.
.
Иң элек йомырка белән шикәр комын кушып яхшылап болгатырга, аннары шуңа аерым савытта йомшартылган атланмай кушарга. Барысын да янә болгаткач, он һәм сода салырга кирәк.

Үзенә күрә бер эластик камыр булганчы изәсең. Шул камырны 1 см калынлыкта җәясе дә форма белән кисеп чыгарга.

Печеньеларны табага җәелгән пергаментка тезеп чыккач, 15 минутка 180 градуслы мичкә куярга. Печеньелар кызарып чыгуга алырга.