«Чияле феерия» пирогы рецепты

«Яңа Чишмә хәбәрләре» сайтында Фирүзә Ибраһимова «Чияле феерия» пирогы рецептын тәкъдим итә.

Ингредиентлар:

• Чия – җаның теләгәнчә
• Йомырка – 5 данә
• Бер чеметем тоз
• Шикәр комы – 160 г
• Он – 160 г
• Көпшәкләндергеч – 4 г

Эш барышы:

1. Йомыркага тоз салабыз һәм миксер белән күпертә башлыйбыз. (Камыр әзерләнгән арада чиянең төшләрен ала торырга була.)
2. Массага шикәр комы өстибез, күпертүне дәвам итәбез.
3. Камыр әйбәтләп күпергәч, миксерны сүндерәбез. Он белән көпшәкләндергечне әз генә кушып, кашык белән бутыйбыз.
4. Чистартылган чиягә бераз шикәр комы өстибез һәм форма төбенә салабыз.
5. Камырны өстенә җәябез һәм 180°та 45 минут пешерәбез.

Чәйләрегез тәмле булсын!