«Чын концлагерь»: Биектау районының «Правда» колхозында сыерлар җимерек ангарда тора
Яңа туган бозаулар да мондый шартларда шундук үлеп бетә.
Татарстанның Биектау районының Юртыш авылындагы «Правда» колхозы рәисе сыерлар өчен чын концлагерь оештырган. Әлеге видеоны «ВТП» аккаунты чыгарды.
Маллар бөтен тишегеннән җил өреп һәм яңгыр сулары агып торган ярым җимерек ангарда яшәргә мәҗбүр. Әмма әле бу ярты бәла генә.Яңа туган бозаулар мондый шартларда исән кала алмый — авырый башлыйлар һәм яшел чирәм дә ашый алмыйча үлеп бетәләр. Аларның үләксәләрен берәү дә җыеп йөрми — шунда ук өелеп яталар. Бу сыерлар тагын күпмегә чыдар, уйларга да куркыныч, дип яза аккаунт.