Чувашиянең элекке башлыгы Михаил Игнатьев үлгән
Быел май аенда ул коронавирус белән авырый башлаган иде.
Чувашиянең элеккеге башлыгы Михаил Игнатьев вафат.
Ул Петербургта госпитальдә үлгән. Игнатьевта май аенда коронавирус табылган булган. Аның ике үпкәсе дә ялкынсынган.
2020 елның гыйнвар аенда Игнатьевны «ышаныч бетү сәбәпле» отставкага җибәргәннәр иде. Ул МЧС хезмәткәрләренә машина тапшырганда ачкычны сикереп алырга кушкан түрә буларак билгеле.
Шул вакыйгадан соң аны срогы чыкканчы ук эшеннән азат иттеләр. Ул, эшеннән куылуын законсыз дип исбатларга тырышып, Владимир Путинны мәхкәмәгә дә биргән иде.