Чулпан Йосыпованың «Ялындырып йөрмә» җыры барлык музыкаль мәйданнарга чыкты
Җырчының тамашачысы матур җыр өчен рәхмәт сүзләре язган.
Татарстанның атказанган җырчысы Чулпан Йосыпованың чираттагы яңа җыры барлык музыкаль мәйданнарга чыкты. «Ялындырып йөрмә» җырының сүзләре Рөстәм Зәкуанныкы, ә көен Илназар язган.
«Бик матур җыр, рәхмәт безнең туганыбызның сүзләренә язылган җырны халыкка танытуыгызга. Рөстәм абыйга дога булып барып ирешсен», — дип комментарий калдырган җыр авторының туганы.
Җырчының виртуаль дуслары җырны «шәп», дип кабул иткән.