Чулпан Йосыпова улларын калдырып, яңа ире белән Истанбулга киткән
Чулпан Йосыпова хәзерге вакытта тормыш иптәше белән Истанбулда.
Җырчыдан инстачылар «Улларыгыз кайда?», «Бәбиегез кайда?» — дип кызыксынганнар.
«Хәерле кичләр! „Малайларыгызны кайда калдырдыгыз?“ — дип сораучылар күп. Бик начар сүзләр язучылар да булды. Без Истанбулга эшләр буенча килдек, нинди эшләр икәнен соңрак белерсез. Минем әнием: „Балаларны алып калам, ял да итеп кайтыгыз“, — диде. Шуңа күрә ял итеп кайтырга булдык, без озак булмыйбыз. Үзем дә смесь белән үстем, ике улым да шулай. Кайгырмагыз, зинһар өчен», — дип мөрәҗәгать белән чыкты җырчы.
«Бәбиегез кайда?», «Шундый кечкенә бәби кем белән калды?» - дигәнгә: «Борчылмагыз, урамда калдырмадык», — дип җавап биргән җырчы.
«Чулпан, мин сине бик хөрмәт итәм. Шулай да соңгы вакытта җавапларыңны шундый ямьсез язасың. Бу беренче генә төртмә җавап түгел инде», «Әлбәттә, урамда калдырмагансыздыр, андый ук дәрәҗәгә барып җитүне уйларга да куркыныч», «Бик матур пар, исән-имин йөреп кайтыгыз», — дип яза җырчының виртуаль дуслары.