Чулпан Йосыпова икенче улын күрсәтте: «Бәләкәй Чулпан булган бит бу»
Инстачылар баланы әнисенә охшаткан.
Татарстанның атказанган артисты Чулпан Йосыпова Инстаграм сәхифәсенә хәләл җефете белән балаларының фотосын керткән. Җырчы «Минекеләр» дип язып куйган.
Ул беренче тапкыр икенче баласының йөзен күрсәтте. Инстачылар баланы әнисенә охшаган, диләр.
«Бәләкәй Чулпан булган бит бу! Күз тимәсен», «Кечкенә Чулпан. Бәхетле булсыннар», «Әни малайлары», дип комментарийлар калдырган инстачылар.
Чулпан Йосыпова икенче баласын гыйнвар аенда тапкан иде.
