Чулпан Йосыпова «Дәшмә миңа, соң инде» җырын яңача яздырган
Тамашачылар җырчыга мактау сүзләре яудырган.
Татарстанның атказанган артисты Чулпан Йосыпова «Дәшмә миңа, соң инде» дигән җырны яңартып тәкъдим итте.
«Текә итеп үзгәртелгән. Сезнең башкаруда үзенчәлекле яңгырый» «Афәрин, Чулпан! Бу җырны Алсу Хисамиева да матур башкара иде», — дип танып алган җырны тамашачылар.
Исегезгә төшерәбез, җырның сүзләрен Сания Әхмәтҗанова, ә көен Зөфәр Хәйретдинов язган. «Бик зур рәхмәт сезгә, Чулпан! Иҗатыгызда, тормышыгызда уңышлар юлдаш булсын!», — дип хәер-фатихасын биргән җырның авторы.
«Чын җырчы», «Бик көчле, талантлы жырчы. Теләсә нинди җырны җиренә җиткереп башкара», «Җырларыгыз бик моңлы, тыңларга рәхәт, чын моң иясе сез», «Менә кайда ул искиткеч моңлы, матур тавышлы жырчыбыз! Эстрадабызнын йөзек кашы! Татар халкынын бердәнбер өздереп, күңелләребезне айкап җырлаучы иң моңлы сандугачбыз. Сезгә тиңнәр юк», «Исемегез дә йолдыз! Бик тә җисеменә туры килеп тора», «Татар эстрадасының каймагы», — дип комментарий калдырган яраткан җырчылары турында тамашачылары.