Чулпан Йосыпова: «2021 елда үзем өчен зур ачыш ясадым»
Җырчы хыялларының чынга ашуына сөенгән.
«2021 елда зур ачыш ясадым, психология белән кызыксына башладым. Дөрес итеп хыяллана белсәң, хыяллар чынга аша икән. Хыялланып кына утыру дөрес түгел, әлбәттә, эшләргә кирәк. Быел чынга ашкан хыялларым:
Өебезне төзеп бетереп, күчендек. Командабыз белән гастрольләргә йөрергә автобус алдык. Бизнеста зур гына команда төзелеп килә, Аллаһка шөкер, бер-беребезне аңлап эшлибез. Казанда Уникста концерт куйдык. Мин хәзер берүзем генә түгел, командам бар, администратор, биючеләр, музыкантлар.
Аллаһка шөкер, көн саен дигәндә кечкенә генә булса да хыялым чынга аша, сезгә дә шуны телим, якыннарым», — дип язган ул Инстаграм битендә.
«Амин. Барыбызның да хыяллары чынга ашсын. Сәламәт булыйк», — дип өстәгән инстачылар.