Үчле ир-ат эшмәкәр хатынның машинасына ут төрткәч, алты яшьлек бала янып үлә язган
Ут төртүчеләр абыйлы-сеңелле туганнар булып чыккан, хәзер аларны эзлиләр.
Иркутск өлкәсендә алты яшьлек кыз бала ут капкан машина эчендә калып, янып үлә язган. Бу турыда РЕН ТВ каналы хәбәр итте.
Эшмәкәр хатын баласын машинада калдырып китеп тора. Бу вакытта хатын нәни улын балалар бакчасына кертә. Шул чакта машина янына бер ир-ат килә һәм ут төртә.
Аннары ир-ат качып китә.
Бәхеткә, машина ишеге бикле булмый. Сабый яна торган автомобильдән чыгу җаен таба.
Пироманнар машина эчендә бала булуын белгәнме-юкмы — әлегә билгесез. Тикшерүчеләр бу эшне алдан килешеп үтерергә маташу дип билгели. Ут төртүчеләрнең шәхесе ачыкланган. Алар — абыйлы-сеңелле туганнар. Хәзер бу кешеләр федераль эзләүгә бирелгән, диелә хәбәрдә.
