Чистай районында "Лада" йөртүчесе гаебе белән чыккан авариядә ике кеше үлде
Лада” автомобиле, чит ил машинасы белән бәрелешкәнче, тагын бер җиңел машинаны бәрдергән, анысы кюветка очкан.
Чистай районында каршы як полосага чыккан “Лада” йөртүчесе аркасында кешеләр гомере өзелгән, дип хәбәр иттеләр ТР буенча Эчке эшләр министрлыгы матбугат хезмәтендә.
Казан-Оренбург трассасының 145нче чакрымында “Лада” белән “«Митсубиси Лансер» маңгайга-маңгай бәрелешкән. “Лада” йөртүчесе һәм пассажир шунда ук үлгән.
ТР буенча Эчке эшләр министрлыгы мәгълүматлары буенча, “Лада” йөртүчесе алда хәрәкәт итүче машинаны узу өчен каршы як полосага чыккан. Анда каршы килүче “Лада Калина” белән бәрелешкән, аннары “«Митсубиси Лансер» маңгайга-маңгай бәрелешкәннәр, шуннан соң да “Лада Гранта”га бәрелгән.
«Лада Калина» кюветка очкан.
«Митсубиси» йөртүчесе һәм ике пассажиры Чистай Үзәк район хастаханәсенә озатылган.
