Чистай районында авариядә бер хатын-кыз вафат булган, ике кеше җәрәхәтләнгән
Һәлакәт урынында ДПС автомобильләре, янгын сүндерү машиналары эшли.
Казан-Оренбург трассасының Чистай районының Татар Сарсазы авылы тирәсендәге өлешендә җитди юл-транспорт һәлакәте сәбәпле, ике яктан да зур бөке хасил булган.
Һәлакәттә бер хатын-кыз вафат булган, ике кеше җәрәхәтләнгән.
Юл ике якка да тулысынча томаланган. Юл инспекторлары машиналарны басу аркылы тапталган юлдан уздыралар. Һәлакәт урынында ДПС автомобильләре, янгын сүндерү машиналары күренә.