Чирмешәндә канализация чокырына егылып төшкән 10 яшьлек баланың санаулы сәгатьләре генә калган була
Аны коткарырга теләгән волонтер да шул ук канализация чокырына егылып, билен сындыра.
Якшәмбе кичендә Чирмешәндә 2007 елгы малай югалу турында хәбәр алына. Полиция, МЧС баланы эзләүгә керешә, йөздән артык волонтер җәлеп ителә.
Баланы Чирмешән елгасы, урманнан, Сабантуй мәйданыннан эзлиләр. Бер сәгать эзләгәннән соңң "Чирмешән районы гражданнарны саклау идарәсе" җитәкчесе 31 яшьлек Гөлия Яруллина Юбилей урамындагы яңа төзелгән йортларның канализацион коесына егылып төшә. Бала да шунда була.
Бала өч метр тирәнлегендәге канализация чокырына егылып төшкән була. Буран булу сәбәпле, чокырның авызы кар белән күмелә. Бала башта кычкырган, аннары, хәле беткәч, "ледянка"сына ятып, йокыга китә башлаган. Тагын бер сәгатьтән бала үлгән булыр иде ди табиблар.
Бала сырхауханәгә озатыла. Аның коткаручысы егылып төшкәндә билен бәреп, умырткасын сындырган була. Ул да сырхауханәгә озатыла.
МЧС фотолары
