Чикләвек җыярга киткән 12 яшьлек малай урманда биш көн адашып йөргән
Чикләвек җыярга киткән 12 яшьлек малай урманда биш көн адашып йөргән
29 сентябрьдә Тува республикасында тайгада унике яшьлек малай югалган. Биш көн эзләгәннән соң, бүген баланы исән килеш тапканнар. Бу турыда РИА Новости агентлыгы Россия Тикшерү комитетына сылтама белән хәбәр итте.
Малайны урман өеннән биш километр ераклыкта карагай агачы төбендә утырып торган килеш табалар. Аның хәле бик авыр була.
Малай 29 сентябрьдә Тоджинский районының Ий авылыннан 20 км ераклыкта югала. Ул тайгага әтисе һәм башка ир-атлар белән бергәләп кедр чикләвеге җыярга килә. Төш вакытына кадәр бала авыл ягына таба китә һәм югала. Көндезге икеләр тирәсендә генә олылар баланың югалуын абайлап ала. Башта алар малайны үзләре эзли. Аннары полиция хезмәткәрләре кушыла, Тикшерү комитеты хезмәткәрләре, коткару хезмәтләре дә баланы эзләшә. Соңрак бу эшкә аэромобиль бригада кушыла.
Малайны урман өеннән биш километр ераклыкта карагай агачы төбендә утырып торган килеш табалар. Аның хәле бик авыр була.
Соңрак бу баланы санитария авиациясе ярдәмендә Тува республика хастаханәсенә китерәләр.
"Малайны хастаханәгә китерделәр. Хәзер аны табиблар карый", - дип сөйләгәннәр республика Сәламәтлек саклау министрлыгында.