Чемоданга кереп яткан елан туристка ияреп кайткан

Турист хатын очраклы рәвештә Австралиядән Шотландиягә елан алып кайткан. Җанвар туристның чемоданындагы аяк киеменә кереп утырган булган. Бу турыда The Guardian басмасына сылтама белән «Лента.ру» яза.

Мойра Боксолл исемле хатын Эдинбург шәһәренә кайткач, чемоданын бушата. Шул вакытта ул бер аяк киеме эчендә елан күреп ала. Башта хатын эшнең нидә икәнен дә аңлап җиткерми. Ул кемдер шаярткан, аяк киеменә уенчык елан салып куйганнар, дип уйлый.

Бераздан Боксолл барын да, аңлап ала: елан чып-чын. Рептилия сәяхәтченең әйберләре арасына бер кат тиресен дә салып өлгергән була.

Соңрак ачыкланганча, бу тимгелле питон агулы түгел икән. Аны йорт хайваны буларак та асрыйлар. Питон чемоданда Маккай шәһәреннән Эдинбургка кадәр 15 мең километр чамасы кайткан.