Чаллыдагы күпер астында кисеп алынган кеше башы табылган
Чаллыдагы күпер астында кисеп алынган кеше башы табылган
Чаллы шәһәрендә бер ир-ат кунакка килгән танышын үтергән, аннары мәетнең башын кисеп алган һәм елга аша салынган күпер астына ташлаган. Бу турыда "Татар-информ" агентлыгы үз чыганакларына сылтама белән хәбәр итте.
Коточкыч табылдык Шилнә елгасында табыла. Бу - Сидоровка авылында яшәгән 53 яшьлек ир-атның башы булып чыга. Бер атна элек мәрхүмнең 82 яшьлек анасы полициягә мөрәҗәгать итә. Ул улы югалуын хәбәр итә.
Соңрак ачыкланганча, югаласы көне бу ир-ат танышына кунакка бара. Танышы Чаллының Яңа шәһәрендәге 3нче комплекста яши.
Полиция хезмәткәрләре мәрхүмнең танышларын сораштыра. Шуннан соң аның 53 яшьлек танышы җинаять кылуын үзе сөйләп бирә.
Тикшерү версиясе буенча, табын корып утырганда, дуслар талаша башлый. Шуннан соң фатир хуҗасы кунакның башына берничә тапкыр пычак белән кадый. Аннары ул дустының мәетенең башын кисеп ала һәм елгага илтеп ташлый.
"Үтерү" маддәсе буенча җинаять эше ачылган.
Коточкыч табылдык Шилнә елгасында табыла. Бу - Сидоровка авылында яшәгән 53 яшьлек ир-атның башы булып чыга. Бер атна элек мәрхүмнең 82 яшьлек анасы полициягә мөрәҗәгать итә. Ул улы югалуын хәбәр итә.
Соңрак ачыкланганча, югаласы көне бу ир-ат танышына кунакка бара. Танышы Чаллының Яңа шәһәрендәге 3нче комплекста яши.
Полиция хезмәткәрләре мәрхүмнең танышларын сораштыра. Шуннан соң аның 53 яшьлек танышы җинаять кылуын үзе сөйләп бирә.
Тикшерү версиясе буенча, табын корып утырганда, дуслар талаша башлый. Шуннан соң фатир хуҗасы кунакның башына берничә тапкыр пычак белән кадый. Аннары ул дустының мәетенең башын кисеп ала һәм елгага илтеп ташлый.
"Үтерү" маддәсе буенча җинаять эше ачылган.