Чаллыда яшәүче ир-ат элек әниләрен үтергән энесенең күкрәгенә пычак кадаган
Абыйлы-энеле туганнар бер фатирда яши һәм еш талашып тора.
Чаллыдагы фатирларның берсендә 45 яшьлек ир-ат яралана. Аны үтерергә маташуда шикләнеп 47 яшьлек олы абыйсын тоткарлаганнар. Бу турыда «Татарстан 24» каналы Тикшерү комитетына сылтама белән хәбәр итте.
Тикшерү версиясе буенча, ир-атлар бер фатирда яши, еш талашып торалар. Моңа кадәр туганнарның кечесе аналарын үтергән булган. Хәзер ир-атлар милек бүлешү өчен җәнҗал чыгара.
Соңгы талаш вакытында, энесе абыйсының хатынына суга. Аннары абый кеше энесенең күкрәгенә пычак кадый һәм чыгып китә. Аны сак астына алу мәсьәләсе хәл ителә. Тикшерү эшләре бара, диелә хәбәрдә.
«Челнинские известия» хәбәр иткәнчә, яраланган ир-атны ашыгыч ярдәм хастаханәгә алып китә, аңа операция ясыйлар. Ир-ат исән.