Чаллыда яшәүче хатын банктан 25 миллион урлаган
Аннары ул үзе гаебен танып, банкка хәбәр иткән.
Чаллыдагы банкларның берсендә эшләүче хатын акча саклагычыннан 25 миллион сум урлаган. Вакыйга ГЭС бистәсендә былтыр декабрьдә булган. Бу турыда «Челнинские известия» хәбәр итте.
Сайтның үз чыганаклары әлеге мәгълүматны раслаган. Яңа ел алдыннан җинаятьче хатын гаебен таныган һәм үзе банкның иминлек хезмәтенә мөрәҗәгать иткән. Җинаять эше ачылган, диелә хәбәрдә.
«Татарстан 24» каналы хәбәр иткәнчә, банкта акча югалуны шунда ук абайламаганнар. Яңа ел алдыннан карак хатын үзе гаебен таныган. Якынча белешмә буенча, ул моңа кадәр дә акча урлаган булуы ихтимал. Аңа ярдәм итүче тагын бер хатын булган. Аларның икесенә карата җинаять эше ачканнар, диелә бу хәбәрдә.