Чаллыда йөрәгенә пычак кадалган хатынны коткара алмаганнар
52 яшьлек хатынның йөрәгенә пычак кадаган кешене эзлиләр.
4 гыйнварга каршы төндә Чаллының 62 нче комплексындагы йортта канлы фаҗига була. Бу турыда «Челнинские известия» хәбәр итте.
Төн уртасында биредәге фатирда 52 яшьлек хатын табыла. Аның йөрәгенә пычак кадап яралаганнар. Хатын исән була. Аны ашыгыч ярдәм белән хастаханәгә илтәләр. Тик табиблар тырышлыгына карамастан, бу хатын аңына килмичә үлә.
Әлегә җинаятьче исеме билгеле түгел. Җинаять эше ачылган. Үтерүчене эзләү эшләре бара, диелә хәбәрдә.