Чаллыда ун көчекне вәхшиләрчә үтергәннәр
Әлеге факт буенча җинаять эше ачылган.
Чаллы волонтерлары «Заря» бакчачылык ширкәте территориясендә вәхшиләрчә үтерелгән ун көчек үләксәсен тапкан. Бу турыда «Татар-информ» хәбәр итте.
Көчекләрне үтерүче әлегә ачыкланмаган. Җинаять эше ачылган. Тикшерүне Чаллының күзәтчелек ведомствосы контрольгә алган. Бу турыда Татарстан прокурорының өлкән ярдәмчесе Руслан Галиев сөйләгән.
Волонтерлар сүзләренчә, бу кеше моңа кадәр дә этләрне һәм көчекләрне үтергән булган инде. 2020 елның декабрендә Чаллыда эче ярылган эт үләксәсе тапкан булганнар.
