Чаллыда тюбингта шуганда имгәнгән бала вафат
Сабыйны 31 декабрьдә хастаханәгә китергән булганнар.
Чаллыда кыз бала җитди имгәнгән һәм хастаханәдә вафат булган. Бу турыда «Татар-информ» агентлыгына Татарстан Сәламәтлек саклау министрлыгында хәбәр иткәннәр.
3 яшьлек сабыйны 31 декабрьдә хастаханәгә китерәләр. Ул авыр хәлдә була, баланың башы җитди имгәнгән. Табиблар тырышлыгына карамастан, кызганычка каршы, бала берничә көннән соң хастаханәдә үлә.
Агентлык үз чыганакларыннан ачыклаганча, сабый тюбингта шуганда җитди травмалар алган, диелә хәбәрдә.