Чаллыда полиция хезмәткәре ярсыган улыннан әнисен коткарып калган
Яр Чаллы кешесе Эчке эшләр министрлыгының ышаныч телефонына шалтыратып, полиция хезмәткәре Радик Янаевка рәхмәт белдергән . Бу хакта "Челнинские известия" газетасы яза.
![Чаллыда полиция хезмәткәре ярсыган улыннан әнисен коткарып калган](https://intertat.tatar/resize/shd/images/uploads/news/2017/8/31/ed432934391a479bfec956912e1e9d08ec2cf93e361d0b33c06d01fe2b6b.jpg)
20 август көнне кич, патруль-сак хезмәтенә гаилә конфликты турында хәбәр килә. 40 яшьлек ир пенсионер әнисенә ташлана. Хатынны ире яклый алмый, шул сәбәпле, полициягә чыга. Гауга чыгарган ир исерек була һәм әти-әнисен тыңламый.
Тәртип сакчылары ир-атны кулга алып «Комсомольский» полиция бүлегенә алып киләләр. Ир-ат тынычлана һәм үзенең гаебен таный.
Ирнең әтисе, ышаныч телефонына шалтыратып, полиция хезмәткәренә рәхмәтен җиткергән, дип хәбәр итә Эчке эшләр министрлыгының матбугат хезмәте.