Чаллыда кышкы суыкта да урамда шортиктан йөрүче бабайны видеога төшереп алганнар
Шәһәр халкы бу хәлгә карата төрле фикерләр әйтә.
Чаллыда кышкы салкында да урамда шорты белән майка гына киеп йөри торган бабайны видеога төшереп алганнар. Бу турыда «Челнинские известия» хәбәр итте.
Ир-ат бик җиңелчә генә атлап тукталышка таба бара. Әлеге кадрлар турында социаль челтәр кулланучылар төрле фикерләр яза.
Алар бу кешенең ел әйләнәсенә шул киемсез йөрүен, инде күптәннән чыныгуын әйтә. Ул өс киемсез килеш кенә «Гренада» паркында теннис уйный, роликларда йөри икән.
Челтәр кулланучылар «бабай киемгә акча сарыф итми, экономия», ди.
Ләкин ир-атның шулай өс киемсез йөрүен ошатмаучылар да бар, диелә хәбәрдә.