Чаллыда исерек йөртүче "Лада"сы белән пассажирлар тулы маршрутканы бәрдергән (видео)
Авария "Вахитов проспекты" тукталышында була.
10нчы модель «Лада» автомбилен идарә иткән 22 яшьлек егет пассажирларны төшерергә дип туктаган микроавтобуска килеп бәрелгән.
Басма хәбәреннән күренгәнчә, «Лада» шоферы исерек булган.
Юл-транспорт һәлакәте аркасында микроавтобус пассажирлары — 39 яшьлек ир-атның башына зыян килгән. 18 яшьлек кызның баш мие селкенгән, яңагына зыян килгән.