Чаллыда балалар һәм аларның анасы өйдә булган чакта ишеккә ут төртергә маташканнар
Фаҗига төнлә булган.
Чаллыда яшәүче хатын төнлә коткаручыларга шалтыратып ярдәм сорый. Аның сүзләренчә, ул үзе фатирда балалары белән, бер ир-ат фатирга ут төртү белән яный. Бу турыда «Челнинские известия» хәбәр итте.
Фатир хуҗабикәсе көн дәвамында бу ир-ат аңа янавын сөйли.
Урынга тиз арада экстрен хезмәтләр бара, ашыгыч ярдәм килә. Фатир беренче катта урнашкан. Ачыкланганча, фатирга керә торган ишекнең кәрнизенә бензин сибелгән. Янгын чыкмаган, зыян күрүчеләр юк.
Баскыч янында ике шешә табылган, аларга янучан сыеклык салынган булган.
Фатир хуҗасы үзенә янаган, балаларын куркыткан ир-атның исеме һәм фамилиясен әйтә. Тикшерү эшләре бара, диелә хәбәрдә.