Чаллыда 26 яшьлек исерек егет машинасында капланып үлгән
Яр Чаллыда ике егетнең имгәнүенә һәм бер кешенең үлеменә китергән юл-транспорт һәлакәтенең видеосы бар, дип хәбәр итә социаль челтәрләрдән файдаланучылар.
Кичә иртән, Батенчук урамы буенча 4 нче йорт каршында, “Тойота Королла” белән идарә иткән 26 яшьлек йөртүче югары тизлектә бордюрга менә. Нәтиҗәдә, иномарка әйләнеп каплана.
Һәлакәттә машина йөртүченең аягы сынган, 20 яшьлек пассажир баш мие җәрәхәте алган, 26 яшьлек егет алган имгәнүләреннән "Ашыгыч ярдәм" машинасында вафат булган. Егетләрнең өчесе дә исерек халәттә, саклану каешларын да эләктермәгән булганнар.
