Чаллы трассасындагы коточкыч авария видеорегистраторга эләккән
Менделеевск районында ике машина кара-каршы бәрелешә.
Hyundai Accent автомобилен йөртүче хатын-кыз, DAF автофургонын куып узып китә. Ул юлның үз полосасына керә, әмма тизлеге югары булу сәбәпле, машина чалулый башлый. Машинасы юлга аркылы килә һәм каршы як полосага чыгып, йөк машинасы астына килеп керә.
Хатын-кыз һәм кабинада булган 9 яшьлек кыз бала шунда ук һәлак була.
Бала арткы утыргычта, каешлары эләктерелгән булган.