Чаллы режиссеры Владислав Трошкин 48 яшендә вафат булган
Владислав Трошкинның 15 һәм 11 яшьлек ике кызы ятим калган.
Чаллы режиссеры Владислав Трошкин 48 яшендә вафат булган. Мәрхүмне иртәгә, 24 сентябрьдә, җирлиләр Бу турыда «Челнинские известия» хәбәр итте.
Владислав Трошкин Алабуга Үзәк районы хастаханәсендә дәваланган.
«Мин Владиславның авырганын белә идем. Кызганычка каршы, ул вафат. Әлеге генә аны соңгы юлга озату турында сөйләштек. Аны иртәгә шәһәр зиратына җирлиләр», — дип сөйләгән «Татпроф» вәкиле Марина Ломаева.
Мәрхүмнең 15 һәм 11 яшьлек ике кызы ятим калган.
Владислав Трошкин Мәскәүдә Телевидение һәм радиотапшырулар гуманитар институтын тәмамлаган. Чаллыда телевидениедә продюсер булып эшләгән, аннары шәһәрдә һәм республикадагы зур предприятиеләр турында фильмнар төшерү белән шөгыльләнгән. Чаллы турында «Гумус» фильмын эшләгән. Соңгы тапкыр «Татпроф» компаниясе өчен фильм төшергән.