Чаллы кешесе часовня һәм зиратта сәдака өчен куелган тартмалардан акча урлаган
Чиркәүдәге сейфны ачып акча урлаган кеше тотылган. Ул Яр Чаллы кешесе булып чыккан. Бу хакта "Нократ" газетасы яза.
Мамадыш шәһәре янындагы Баркас елгасы ярындагы чишмә күптәннән билгеле. Кешеләр бирегә су алырга киләләр һәм, чишмәне карап тору өчен, сәдака акчалары калдыралар. Акча елга буендагы часовня сейфында саклана.
Быелның июлендә сейфны ватып акчаларны алалар, ут баганасын җимерәләр һәм бассейнга ташлар ыргыталар.Бу җинаятьне Яр Чаллы кешесе эшләгәне ачыкланган.
Моңа кадәр дә ул берничә тапкыр хөкемгә тартылган була.Шушы ук кешенеңТүбән Ушмы авылындагы зиратта сәдака өчен куелган тартманы ватып, акча урлаганы ачыкланган. Монысын ул беренче урлаудан соң ук башкарган. Әлеге факт буенча тикшерү эше бара.
