Чәйгә салу өчен карлыган яфрагы белән җиләк кайнатмасын үзенчәлекле киптерү ысулы
Туңдыргычта саклыйсы булгач шикәр комын аз салырга була.
Казанда яшәүче бишенче разрядлы кондитер-технолог Зөлфия Идрисовадан чәйгә салу өчен үзенчәлекле тәмләткеч ясау ысулын тәкъдим итәбез.
Карлыган яфракларын юарга һәм подноска, зур тәлинкәгә яки башка савытка тезеп чыгарга.
1 кг виктория җиләгенә 300 грамм шикәр комы салырга һәм блендер белән вакларга. Аннары берәр аш кашыгы яфраклар өстенә салырга.
7-10 көн күләгәдә киптерергә. Аннары банкага тутырып яки туңдыргычта сакларга.
Кышын бик тәмле булачак! Чәйгә салгач карлыган яфрагы һәм җиләк тәме дә киләчәк.
