Өч яшьлек баланың борынында таркала башлаган батарейка тапканнар
Төмән табибы баланы коткарып калган.
Төмән өлкәсенең Ишим шәһәрендә узган ялларда 4 нче номерлы өлкә хастаханәсенә өч яшьлек малайны алып киләләр. Баланың борыныннан канлы сыеклык агып тора. Табиблар баланың борынында батарейка булуын ачыклый. Батарейка инде бозылып, таркала башлаган була. Бу турыда Төмән өлкәсенең Сәламәтлек саклау департаменты хәбәр итте.
Хастаханәнең отоларинголог-табибы Александр Гартунг сүзләренчә, борынның лайлы тышчасына тиеп торган батарейка эченнән актив химик матдәләр бүленеп чыга башлаган. Алар лайлалы тышчаны ялкынсындыра һәм канлы бүлентек саркып тора башлый.
«Батарейка — организмның теләсә-кайсы өлеше өчен травма ясый торган чит предметларның берсе. Бу аның эчендәге электролит — селте яки кислота — зыяны белән бәйле. Миңа батарейка йоткан баланы двәаларга туры килде. Батарейка баланың үңәченең бер өлешен яралаган иде. Бу баланы дәвалау өчен торкаль хирурглар берничә тапкыр операция ясады», — дип сөйли Гартунг.
Борынында батарейка табылган бала очрагы бәхетле тәмамланган. Табиб батарейканы биш минут эчендә чыгарган, малай үзен яхшы хис итә. Бәхеткә, аның әти-әнисе вакытында табибларга мөрәҗәгать иткән, батарейканың химик матдәсе борынга зур зыян китерергә өлгермәгән, диелә бу хәбәрдә.
