Үңәч яман шешен нинди сәбәпләр китереп чыгара?
Алкоголь һәм тәмәкедән тыш, ризыклар да яман шеш китереп чыгарырга мөмкин.
Табиб-онколог үңәчтә яман шеш килеп чыгу сәбәпләрен атаган. Бу турыда Медикфорумга сылтама белән «Челнинские известия» хәбәр итте.
Ул нинди ризыклар һәм эчемлекләрдән баш тарту яман шешнең иң агрессив төрләренең берсе булган — үңәч яман шеше килеп чыгуны минимумга кадәр киметүен аңлатты.
Бик югары температурага кадәр җылытылган ризыклар куллану үңәчтә яман шеш китереп чыгарырга мөмкин. Кайнар температура лайлалы тышчага еш тигән саен, ул еш регенерацияләп, ягъни яңарып тора. Күзәнәкләр ешрак яңарган саен, аларның берәрсендә мутация килеп чыгу, онкология процессы башлану ихтималы да арта.
Шулай да үңәч яман шеше күпчелек очракта сәламәт яшәү рәвеше алып бармаган кешеләрдә була. Алкоголь, тәмәке куллану, дөрес булмаган туклану режимы онкология китереп чыгара. Шулай ук генетик яктан килгән билгеләр дә яман шешкә сәбәпче булырга мөмкин, диелә бу хәбәрдә.