Чәй пешерә торган чәйнек сайлау өчен өч киңәш
Чәйнекнең үлчәмен гаиләдә чәй яратучылар санына карап сайлау хәерле.
Чәй пешерә торган чәйнек сайлаганда өч гади кагыйдәне истә тоту хәерле.
Беренчедән — чәйнек эчендәге тишеккә игътибар итегез. Әгәр ул бер зур тишемнән гыйбарәт булса, чәй чүбе тыгылып калачак. Чәйнек борынына чәй яфраклары тула һәм сыеклыкны агызып булмый. Шуңа күрә чәйнек борынына бара торган тишемдә аерым вак тишекләр булу хәерле.
Икенчедән — чәйнек капкачында махсус чыгынты булсын. Юкса капкач төшеп китеп интектерер. Махсус чыгынты исә капкачны тотып тора. Чәйнекне авыштырганда, капкачы төшеп китмәс.
Өченчедән — чәйнекнең үлчәменә игътибар итегез. Гаиләдә чәй яратучылар санына карап, сайлагыз. Артык зур чәйнектә пешергән чәй, суынгач тәмле булмас. Чәйне пешергәч, эчеп бетерү хәерле. Артык зур чәйнекне кулда тотып тору да җиңел булмас. Авырлыгын кулыгызның көченә карап бәяләгез.
