Өч сабыен яндырып үтергән җиде бала атасын хөкем иттеләр
Хатынын һәм нәни балаларын үтерергә җыенган 26 яшьлек ир фатирга ут төртеп чыгып качкан.
Самара өлкәсендә 26 яшьлек Андрей Покровенковка карата суд хөкем карары чыгарды. Аны өч баланы үтерүдә гаепле дип таптылар. Тупланган дәлилләр нигезендә әлеге
Быел 14 февральдә кичке ун тирәсендә Самара өлкәсендәге Лозовка авылындагы бер катлы йортның бер фатирында янгын чыга. Янгынны сүндергәндә ике яшьлек малай, дүрт айлык кыз һәм ир бала мәетләре табыла.
Тикшерү һәм суд ачыклаганча, янгын чыккан фатирда җиде кечкенә балалы гаилә яши. Балаларга 4 айдан 12 яшькә кадәр були. Гаилә башлыгы исерек килеш хатыны белән талаша. Ул хатынын һәм балаларын үтерергә җыена. Фатирдагы әйберләргә ут төртә һәм чыгып кача.
Ут капкан фатирда өч бала һәлак була. Ике нәни бала үзе чыгып котыла. Күршеләре хатынны алып чыга. Калган балалар өйдә булмый.
Хәзерге вакытта хатын дүрт нәни баласы белән реабилитация үзәгендә яши.