Чөгендер һәм сельдь балыгыннан кабымлык рецепты
Тозлы балык яратучылар бу кабымлыкны ошатачак.
Әлеге кабымлыкны ясау өчен ипи, сельдь балыгы, кызыл чөгендер, сарымсак, майонез кирәк, ә бизәү өчен — петрушка яки укроп.
Үзегез яраткан ипине теләгән формада кисәргә һәм майланган табада ике ягын да кыздырып алырга.
Сельдь балыгын чистартып, телемнәргә кисәргә яки әзер филе сатып алырга мөмкин.
Кызыл чөгендерне пешерергә, угычтан уарга, шунда ук сарымсак сытарга һәм майонез белән болгатырга.
Ипигә чөгендер салатын ягарга, сельдь кисәге куярга, яшеллек белән бизәргә һәм табынга чыгарырга.
