Чәчкәне эшләгән булып кылануда гаепләгәннәр
Җырчы үз-үзеңне изоляцияләүне авылда эшләп үткәрә.
Җырчы Чәчкә авылда эшләгән эшләре белән Инстаграм аша таныштырып бара. Әле карлыган куакларын күчереп утырта. Икенче көнне өй буягач, өч литрлы банкадан тәмләп чәй эчеп утыра.
«Иң тәмле чәй — авылда эш эшләгән вакытта, туктап, банкадан эчкән чәй», — дип язган җырчы.
«Нәрсә эшләдең әле, буяуга бармакны тыгып алган сыман гына күренә»;
«Чәегез тәмле булсын! Мондый эшне парлап эшлиләр. Ирең эштән курка мәллә?» — дип комментарий калдырган җырчылар тормышын күзәтеп баручылар.
Җырчы аларга җавап итеп, сары буяу белән өй буяганын сториска куйган. «Авылда нишлик инде, өй буйыйбыз. Ышанмасагыз, килегез, карагыз. Булышып та китәрсез шунда», — ди Чәчкә.
«Эшкә зарыгып кайткансың», «Нинди эшкә тотынсаң да, булдырасың», «Сез молодец» кебек комментарийлар белән җырчыны мактаучылар да табылган.
