Чәчкәгә инстачылар: «Бу иреңме, малаеңмы?»
Җырчы инстаграмга ире белән төшкән фотосын куйган.
Җырчы Чәчкә инстачыларга үзенең ирен күрсәткән. Бергә төшкән фотоларын урнаштырып: «Никахыбызга 8 ел. Теләкләремне колагыңа гына әйтермен, кадерлем. Бәхет тынычлыкны ярата», — дип язып куйган.
Җырчының виртуаль дуслары фикеренчә, Чәчкәнең ире артык яшь күренә.
«Бу иреңме, малаеңмы?» — дип сораганнар алар җырчыдан. «Моңа хәзер 18 яшь. Аннан да артык түгел. Ә сигез ел элек нинди иде ул?» — дип тә комментарий калдырганнар.
«Малае бу», — дип төгәл белгән кебек язучы да булган.
«Нинди явыз, икесе дә яхшы күренәләр, яшь, матур! Чеметеп алырга кирәк бит инде… Хәзер төскә-биткә бик яшь күренүче ир-атлар бар. Мәгънәсез сүзләр язып ятмагыз», — дип яклаган бер инстачы ир белән хатынны.
«Без белмибез бит аңа ничә яшь икәнен. Дөреслекне ишетәселәре килмәсә, куймасыннар. Алар Аллаһы түгел бит, гел мактап торырга», — дип әче теллеләнгән берсе.
Чәчкә генә бу сүзләргә игътибар итмәгән. Барысын да җавапсыз калдырган.