Чәчкә: «Беренче тамашачыларым фермадагы бозаулар иде»
Җырчы Чәчкә үзе турында кызыклы фактлар язган.
Җырчы Чәчкә үзе турында өч ялган һәм биш дөрес факт язган. Дөрес булмаган фактларны беренче әйтүчегә бүләк тә вәгъдә иткән.
1. Мөслим районында тудым.
2. Гөбәдия пешерә белмим.
3. Туй күлмәге кимәдем.
4. Өч тапкыр кияүдә булдым.
5. Яраткан чәчәкләрем — розалар.
6. Беренче тамашачыларым фермадагы бозаулар.
7. Җиде айдан тудым
8. Миңа 35 яшь.
Беренче булып язучы ук өч дөрес түгел җавапны белгән. Чәчкә аны сез җиңүче дип игълан иткән.
Бактың исә җырчы роза чәчәкләрен яратмый икән. Бу фактны иң кызыксынучан тамашачы гына белгән. Калган икесе Чәчкәнең тормышын күзәтеп баручылар белергә тиеш, Мөслимдә тумаган, өч тапкыр кияүдә булмаган.
Җырчының калган инстадуслары алдагы комментарийларны укып тормаган, үз җавапларын язган.
«Чаллы шәһәрендә туганыгызны беләм. Туй күлмәге киеп бер тапкыр Ирек Гибадуллинга кияүгә чыктыгыз», дип нәрсәдер белүен күрсәтергә теләгән бер дусты.
Җырчының берничә инстадусты җырчыга соклануын белдереп комментарийлар калдырган: «Чәчкә сөйкемле дә, чибәр дә инде үзең. Синең елмаюлы йөзең җиһанга нур чәчә»; «Чәчкә, син просто супер!».