Өч бала һәм дүрт өлкән кеше бер йортта янып үлгән
Коткаручылар килгәнче ялкын бөтен йортны чолгап ала.
Пенза өлкәсендәге Түбән Ломов шәһәрендә шәхси йортта 25 мартка каршы төндә фаҗига була. Шәхси йортта янгын вакытында өч бала һәм дүрт өлкән кеше янып үлә. Бу турыда Россия Тикшерү комитетының Пенза өлкәсе буенча Тикшерү идарәсенең матбугат хезмәте хәбәр итте.
100 квадрат метр мәйданлы агач йортны ялкын чолгап ала. Коткаручылар килгәндә ут бөтен өйдә була инде. Янгын сүндергән вакытта 38 яшьлек һәм 35 яшьлек ике хатын-кыз, 38 яшьлек һәм 37 яшьлек ике ир-ат мәете, 11 яшьлек кыз, 7 яшьлек ике кыз мәете табыла.
Фаҗигадән соң җинаять эше ачылган. Бу урынга тикшерү төркеме, Россия Тикшерү комитетының Пенза өлкәсе буенча Тикшерү идарәсе җитәкчесе Дмитрий Матушкин һәм өлкә прокуроры Наталья Канцерова да килеп киткән. Бу турыда «Комсомольская правда» хәбәр итте.
«Мәрхүмнәрнең мәетендә имгәнгән урыннар юк, алар пешеп беткән. Судмедэкспертиза билгеләнде. Якынча мәгълүмат буенча, .янгын ут белән саксыз эш итү сәбәпле килеп чыккан», — дип хәбәр итте өлкә буенча Тикшерү идарәсенең матбугат хезмәте.
